Sonnet veur Westerwol

         
          Mien dreum
   

            Zun komt op bie de knoalen, recht as linioalen,

            n raaiger vlaigt vot om hail langzoam te doalen
            bie kronkelnde Roeten Oa; haarten daanzen
            onderwegens over schiere, oetgestrekte velden.

            n Liester zingt, n doeve koert en n kou hoelt.
            Ales gruit en bluit grofdoadeg. En ik? Ik boeg
            veur de noatuur, cultuur en veur de minsen;
            ik kin mie hier ja gain mooier leven winsen.

            Dít is Westerwol, t laand van mien dreumen,

            de stee woar k allergloependst veul van hol.
            Gain stadskeboal, man vree en stilleghaid.

            Dít is Westerwol, gemainte van mien dreumen,

            mit Haarpel, Olschanze, Smilke, Bennewol.
            Gain stadskeboal, man vree en stilleghaid.

            Hans ter Heijden 

Roeten Oa bie Smilke